Kryetari i Komunës së Suharekës, Bali Muharremaj, ka thënë se “Ramush Haradinaj i plotëson të gjitha kushtet për të qenë president i vendit”, transmeton Insajderi.
Muharremaj tutje theksoi se partia të cilës i takon, Aleanca për Adhmëri të Kosovës, do të garojë në zgjedhjet e jashtëzakonshme për vendin e parë.
Ndërsa sa i përket arritjes së një koalicionit para zgjedhor, Muharremaj tha se po presin përfundimin e zgjedhjet, për të parë mundësinë e një bashkëpunimit pas zgjedhore me partitë politike.
“Unë besoj që të gjitha kushtet i plotëson zotëri Haradinaj për të qenë president i vendit por në Kosovë, Parlamenti e zgjedh presidentin dhe kryeministrin. Ne jemi përgatitur për zgjedhje të jashtëzakonshme siç do parti tjetër mirëpo do t’i presim rezultatet e zgjedhjeve se kush do të dalë e para apo e dyta. Unë mendoj se do të ketë koalicione pas zgjedhjeve. Ne garojmë për të parët për kryeministër por edhe për president. Mirëpo po presim derisa të përfundojnë zgjedhjet që të shihet mundësia e koalicioneve. Unë do të kandidojë për zgjedhje lokale dhe kjo është vendosur nga Këshilli drejtues i partisë. Ne veç jemi dakorduar që për vitin e ardhshëm do të jem kandidat potencial për kryetar të komunës së Suharekës”, u shpreh ai për EO. /Insajderi.com
