Ish-zëvendës-kryeministri, Haki Abazi, ka deklaruar që deputeti i arrestuar i Kuvendit të Kosovës, Etem Arifi, “po e sfidon sistemin shtetëror”.
Deputeti ishte arrestuar për shkak të akuzës së aprovuar për ‘mashtrim në subvencione’ nga Gjykata Themelore në Prishtinë, njofton Insajderi.
Arifi e kishte votuar Qeverinë Hoti e cila në total kishte marrë 61 vota, aq sa kërkohet për krijimin e institucioneve të reja.
Por, sipas zyrtarit të lartë të Lëvizjes Vetëvendosje, deputeti Etem Arifi, “po e sfidon sistemin shtetëror të Kosovës”.
“Etem Arifi i dënuar nga gjykata është në arrati që nga muaji Mars dhe e sfidon të gjithë sistemin shtetëror, ndërsa kërkohet liberalizimi i vizave nga shtetet evropiane dhe rrahën qytetarët para fëmijëve për punën e maskave”, ka shkruar Abazin në Facebook.
Ndërkaq këtë rast Lëvizja Vetëvendosje e ka dërguar në Gjykatën Kushtetuese. /Insajderi.com
