Në Serbi po mbahen zgjedhjet e përgjithshme.
Agjencia franceze e lajmeve AFP shkruan sonte se “duket se partia e presidentit serb Aleksandar Vuçiq është në prag të forcimit të Qeverisë, pasi një pjesë e opozitës bojkotuan zgjedhjet parlamentare”.
Këto janë zgjedhjet e para në Evropë që nga fillimi i pandemisë së virusit corona, shënon AFP dhe shkruan se ato “u zhvilluan nën hijen e Presidentit” Vuçiq, i cili “del nga intensifikimi i krizës shëndetësore, pas tetë vjetësh në pushtet”, përcjell Danas.
Pasi përmend se, sipas sondazheve të fundit, SNS duhet të fitojë më shumë se 50 përqind të votave, AFP deklaron se “partitë kryesore të opozitës bojkotuan zgjedhjet, duke besuar se zgjedhjet e lira janë të pamundura për shkak të shkeljes së lirisë së medias dhe demokracisë”.
Pjesëmarrja e votuesve “nuk ra në mënyrë dramatike” dhe një orë para mbylljes së sondazheve, OJQ-ja e pavarur CRTA vlerësoi pjesëmarrjen në 45 përqind të elektoratit – rreth shtatë përqind më pak sesa në zgjedhjet parlamentare të 2016, njoftoi agjensia e lajmeve AFP. /Insajderi/
