“Agim Bahtiri më ka premtu dy vende pune” – flet qytetari që nuk e la Bahtirin ta presë shiritin e një shkolle

Kryetari i Mitrovicës, Agim Bahtiri, është penguar ditën e sotme të prejë shiritin e një shkolle të re në komunën e tij, shkruan Insajderi.

Ai është penguar nga një qytetar.

“Këtë e kam ba veç me iu hakmarrë Agim Bahtirit se ai më ka premtu dy vende të punës. Më ka premtu në fushatë, kur e pasë fushatën. Unë s’jam me kurfarë partie”, ka thënë qytetari për Klan Kosovën.

E, kryetari i komunës e ka akuzuar Kadri Veselin se kinse ai e ka nxitur qytetarin ta pengojë Bahtirin.

“Unë se kam bërë këto për Kadri Veselin, nuk u kanë këtu puna për PDK-në. Vetëvendosja i bënë këto punë ajo ka qejf me i ba sendet ma të mëdhaja”, ka thënë qytetari.

Gazeta Insajderi i ka siguruar pamjet e përleshjes së sotme.