Ishte njohur si njëri ndër figurat “më të fuqishme” në Lidhjen Demokratike të Kosovës, por tash Agim Veliu nuk është më as nënkryetar i partisë.
Atë nuk e propozoi kryetari i ri në LDK, Lumir Abdixhiku.
Propozimin e Abdixhikut për ta bërë nënkryetar Lutfi Hazirin, Gazmend Abrashin Muhaxherin, Anton Qunin e Shqipe Mjekiqin – e miratoi Këshilli i Përgjithshëm.
Pos Agim Veliut, nënkryetar i LDK-së më nuk do të jetë as kryetari i Istogut, Haki Rugova.
Ky i fundit po akuzohet nga Gjykata Themelore në Pejë për korrupsion.
Ndërsa, kryetari i ri, Lumir Abdixhiku, ka premtuar reforma të thella në partinë më të vjetër në Kosovë.
Këto zhvillime partiake erdhën pas rezultatit të dobët në votimet e 14 shkurtit, ku LDK doli e treta – mori pak më shumë se 12 përqind të votave. /Insajderi.com
