Agim Veliu i ka fituar zgjedhjet në Podujevë sa herë ka garuar. Por, tashmë LDK-ja ka një kandidat tjetër për kryetar të kësaj komune. Megjithatë, Veliu është i bindur; kandidati mund të ndryshojë, por rezultati jo.
Lidhja Demokratike e Kosovës e ka hapur fushatën zgjedhore në Podujevë, dhe ish-kryetari i kësaj komune nga LDK, tash ministër i brendshëm, Agim Veliu, është i bindur në fitore.
Madje, ia këtë e ka bërë të ditur edhe në hapjen zyrtare të fushatës së LDK-së, njofton Insajderi.
Pasi ka postuar disa foto nga eventi i hapjes së kampanjës ai ka shkruar se “shkojmë për fitoren e radhës”.
LDK në këto zgjedhje kandidat për kryetar komune e ka vendosur, Nexhmi Rudarin.
Rudari do të garojë kundër Shpjetim Bulliqit të Lëvizjes Vetëvendosje dhe Naim Fetahut të Partisë Demokratike të Kosovës./Insajderi.com