Një aksident ka ndodhur në rrugën Prishtine-Podujevë, ku mbetën të lënduar dy persona.
Ngjarja ka ndodhur të shtunën rreth orës 17:30, raporton Insajderi.
Lajmin për Gazetën Online Insajderi e konfirmoi zëdhënësja e Policisë së Kosovës për Rajonin e Prishtinës, Flora Ahmeti.
Në këtë aksident janë përfshirë dy automjete.
“Bazuar në të dhënat fillestare nga vendi i ngjarjes, si pasojë e aksidentit dy persona kanë pësuar lëndime. Të njëjtit janë dërguar për trajtim mjekësor. Me rastin po merret njësiti i trafikut”, tha Ahmeti. /Insajderi.com