Njësia Speciale e Policisë së Kosovës në orët e hershme të së mërkurës ka zhvilluar aksion në zyret e Agjencionit për Zhvillim e Bujqësi.
Zëdhënësi i policisë, Baki Kelani, ka thënë për Insajderi-n se është duke u realizuar një operacion policor në disa lokacione, në rajone të ndryshme.
Por, ai nuk ka dhënë detaje shtesë për operacionin në fjalë.
“Mund të konfirmojmë se Policia e Kosovës është duke e realizuar një operacion policor në disa lokacione, në rajone të ndryshme. Informacione shtesë mund të jepen pas përfundimit të operacionit policor”, ka thënë Kelani./Insajderi.com