Policia e Kosovës ka arrestuar disa zyrtarë të Agjencisë për Zhvillimin e Bujqësisë në vazhdimin e aksionit ‘Subvecionet 2021’ – nën dyshimet për keqpërdorime me subvencione në bujqësi.
Arrestimi i tyre është bërë në kuadër të aksionit të Drejtorisë për Hetimin e Krimeve Ekonomike me Prokurorinë, i cili po zhvillohet në disa qytete të Kosovës.
Së është duke u zhvilluar aksion, e ka konfirmuar për Gazetën Online Insajderi, zëdhënësi i policisë, Baki Kelani.
“Policia e Kosovës, me autorizim të organeve kompetente ka filluar një operacion të gjerë policorë, i cili është duke u realizuar në disa lokacione të komunave të ndryshme. Ky operacion policorë është vazhdimësi e operacionit të mëhershëm subvencionet. Pas përfundimit të operacionit policorë do të bëhen të ditura detaje shtesë”, ka deklaruar ai.
Ndryshe, në Ministrinë e Bujqësisë rreth katër muaj më parë, Policia e Kosovës kishte arrestuar disa persona të dyshuar për “Marrje ryshfeti”, e vepra të tjera./Insajderi.com
