Ambasadori amerikan, Philip Kosnett, deklaroi pas takimit me Albin Kurtin se e ka uruar këtë të fundit për fitoren e arritur në zgjedhjet parlamentare të 14 shkurtit.
Kosnett të martën shkoi në selinë e Lëvizjes Vetëvendosje në një vizitë të paparalajmëruar.
Nuk u deklarua për media pas takimit, por ka shkruar në Twitter.
Tha se duhet që të krijohet sa më shpejtë Qeveria e Kosovës.
“I kënaqur të takojë Albin Kurtin dhe të urojë Lëvizjen Vetëvendosjen për fitoren e saj dhe diskutuam për rrugën e Kosovës përpara. Ne i nxisim partitë të punojnë shpejtë për të krijuar Qeverinë dhe Kuvendin që t’i shërbejnë të gjithë qytetarëve dhe në adresimin e sfidave”, shkruan Kosnett.
Lëvizja Vetëvendosje ka arritur që t’i fitojë 47.85% nga votat e rregullta. /Insajderi.com
Pleased to meet with @albinkurti to congratulate @LVetevendosje on its victory and discuss #Kosovo’s path forward. We urge parties to work quickly to establish a government and Assembly to serve all citizens and address pressing challenges.
— Ambassador Philip S. Kosnett (@USAmbKosovo) February 16, 2021
