Universiteti amerikan “Johns Hopkins” e ka njoftuar sot ambasadorin gjerman në Kosovë se kërkesa e tij u mor parasysh dhe se kanë përfshirë të dhënat e Kosovës në listën e tyre për COVID-19.
Ambasadori gjerman në Kosovë, Christian Heldt ka pyetur në Twitter ditë më parë Universitetin “Johns Hopkins” për mospërfshirjen e Kosovën në të dhënat botërore për koronavirus,
Universiteti sot i ka kthyer përgjigje duke i treguar se tashmë i kanë përfshirë të dhënat e Kosovës në bazën e tyre për virusin COVID-19.“Të dashur, ky është një lajm fantastik, ju falemnderit. Mund ta marrë me mend se jeni mbushur me mesazhe në këtë kohë sfiduese. Vazhdojeni punën e shkëlqyeshme që po e bëni për të gjithë ne në mbarë botën dhe ruajeni shëndëtin. Mendimet dhe lutjet tona janë me SHBA’në”, ka shkruar Heldt.
Ndërkaq në postimit paraprak, Universiteti amerikan e falëndëron Heldtin për vërejtje, duke treguar se tashmë Kosova është në të dhënat e tyre.
“Falemnderit që na kontaktuat. Të dhënat e Kosovës tani po shfaqen në tabelën e COVID-19. Falëmnderit për durimin derisa ekipi ynë punoi në të”, shkruajnë nga John Hopkins.
<
Dear @JohnsHopkins, this is great news, thank you. Imagine you are swamped with messages in these challenging times. Keep up the great work you are doing for all of us around the 🗺️ and be safe. Our thoughts & prayers for the🇺🇲 with rising figures #inthistogether https://t.co/yFDyoxNv9k
— Ambassador Christian Heldt (@GermanAmbKOS) March 27, 2020
