Ambasadori gjerman në Kosovë, Christian Heldt, është larguar nga vendi ynë pasi ka përfunduar misionin e tij diplomatik.
Derisa ishte në Aeroportin Ndërkombëtar të Prishtinës, Heldt ka postuar një fotografi në Twitter, ku ka shkruajtur se po e pi makiaton e fundit të mrekullueshme kosovare, para largimit nga Kosova.
“Kjo është kur e di se koha mbaroi. Portreti im në galerinë e ambasadës gjermane së bashku me paraardhësit e mi dhe pierjen e makiatos së fundit kosovare të mrekullueshme në aeroport”, ka shkruar Heldt.
Ai ka njoftuar poashtu se profilin e tij zyrtar në Twitter do t’ia dorëzojë pasardhësit të tij, Jorn Rohde, që do të arrijë në Kosovë pas pak ditësh. /Insajderi.com/
This is when you know time’s up: hanging in the ancestors gallery at the Embassy and sipping a last wonderful Kosovar Macchiato at the airport. pic.twitter.com/jqZK84iBLj
— Ambassador Christian Heldt (@GermanAmbKOS) July 24, 2020
