Edon Cana, ambasador i Kosovës në Bullgari, ka dorëzuar kërkesën për t’u liruar nga detyra.
Cana ishte në listën e ambasadorëve të shkarkuar nga ish-ministri i Punëve të Jashtme, Glauk Konjufca.
Ai njoftoi përmes një postimi në Facebook se gjatë muajit shtator ka dorëzuar kërkesën.
Shërbimin e tij si ambasador në Bullgari e ka cilësuar “nder të veçantë”.
‘’Të nderuar miq, në muajin shtator kam dorëzuar kërkesën time për tu liruar nga pozita e Ambasadorit të Kosovës në Sofje, Bullgari! Së shpejti do të përfundoj misionin tim. Ishte nder i veçantë të shërbej si Ambasador i Republikës së Kosovës.’’, ka shkruar ai në Facebook. /Insajderi.com
