Ambasadorja e Gjermanisë në Kosovë, Angelika Viets, ka komentuar ecurinë e seancës konstituive të Kuvendit.
Ajo ka thënë për KTV-në se është ndjerë e turpëruar me atë çfarë ndodhi në Kuvend.
Kur është pyetur se çka mendon për seancën ajo shkurt ka thënë “turp”.
Në seancën e sotme konstituive koalicioni PAN kërkoi dy orë pauzë që të dilte me emrin e kandidatit për kryetar të Kuvendit, dhe ky propozim u hodh në votim. Në votim u ndanë votat 60 pro e 60 kundër, ndërsa PAN-i vazhdonte të refuzonte të jepte emrin e kandidatit.
Me këtë rast kryesuesi, Adem Mikullovci, e mbylli seancën, ndërsa tash ka thirrur grupet parlamentare për vazhdim të saj me fillim prej orës 15:00.
