Gjykata e Apelit brenda Dhomave të Specializuara ka hedhur poshtë kërkesën e avokatit të Hysni Gucatit për lirimin me kusht të këtij të fundit, njofton Insajderi.
Vendimi u bë i ditur nga Dhomat e Specializuara, përmes një njoftimi në faqen zyrtare.
“Argument: Ai i vuri në dukje këta faktorë, por zbuloi se ata nuk minonin vlerësimin e rrezikut që Gucati të pengonte procedurat dhe të kryente krime të mëtejshme ose të bënte ndalimin e vazhdueshëm të paarsyeshëm ose joproporcional në rrethana “, thuhet në vendimin e Gjykatës së Apelit.
Gjykatësi ka thënë se asnjë nga kushtet e propozuara nuk garanton në mënyrë adekuate se Gucati nuk do të pengojë mbarëvajtjen e procedurave ose se ai nuk do të kryente krime të mëtejshme.
Ish-kreu i Organizatës së Veteranëve të Luftës së Ushtrisë Çlirimtare të Kosovës, Hysni Gucati, u arrestua më 25 shtator në Kosovë nga Zyra e Prokurorit të Specializuar, në bazë të një fletarrestimi dhe urdhri për transferim, të lëshuara nga një gjykatës i Dhomave të Specializuara.
Ai kishe kërkuar lirimin e tij me kusht për arsye shëndetësore./Insajderi.com
