Gjykata e Apelit ka vendosur që rastin e vrasjes së Donjeta Pajazitaj ta kthejë në rigjykim.
Donjeta Pajazitaj ishte gjetur e vdekur në bjeshkët e Strellcit të Deçanit në dhjetor të vitit 2015, gjashtë javë pasi ishte raportuar e zhdukur nga familjarët.
Gjykata e Apelit ka vendosur që rastin e vrasjes së Donjeta Pajazitaj ta kthejë në rigjykim,keshtu bëjnë me dije burime të Kallxo.com
Gjykata Themelore në Pejë në mars të këtij viti e ka shpallur të pafajshëm Naser Pajazitajn nën akuzën për vrasjen e Donjeta Pajazitajt.
Kurse për veprën penale të armëmbajtjes pa leje të njëjtit i kishte shqiptuar dënim me burgim prej 2 vjet e 4 muaj.
Aktakuza ndaj Naser Pajazitajt thotë se derisa Donjeta Pajazitaj ishte duke shkuar në punë, i akuzuari kishte ndalur veturën dhe e kishte marrë atë “duke ecur në këmbë në drejtim të fshatit Strellc i Epërm”.
“Kur arrin te “Kroni i Lajthisë” fillimisht e privon me armë dhe duke shtënë dy herë në kokë e me pas për të humbur gjurmë të njëjtën e mbulon me disa drunj, dhe largohet nga vendi i ngjarjes”, kishte thënë prokuroria në njërën nga seancat gjyqësore.
Përveç veprës penale të vrasjes së rëndë, Naser Pajazitaj akuzohet edhe për dy vepra tjera të armëmbajtjes pa leje.
Indoks ka publikuar javën e kaluar dokumentarin për vrasjen e Donjeta Pajazitajt, dhe shumë grave tjera në Kosovë.
Atë mund ta shikoni më poshtë:
InDoks | Shteti që vret gra!◾ Ndiqni intërvistën eksluzive me nënën e Donjeta Pajazitit, viktimën e mosfunksionimit të shtetit◾ Intërvistën me ish-presidentën Atifete Jahjaga◾ Detajet e rastit të avokatit Tomë V. Gashi, i cili dyshohet se ka grushtuar gruan e ti.#InDoks është dokumentar i prodhuar nga Insajderi me autor Visar Duriqi
Posted by Insajderi on Sunday, 7 October 2018
