Deputetja e Kuvendit të Kosovës nga rradhët e Lëvizjes Vetëvendosje, Arbërie Nagavci ka reaguar ndaj shefit të kabinetit të Kadri Veselit, Blerand Stavilecit lidhur me idenë për Tribunalin për krimet e luftës.
Ky reagim erdhi pas deklaratave të Blerand Stavilecit në emsionin Rubikon të KTV-së, deklarata këto që sipas Nagavcit janë naive dhe kanë për qëllim mosdeklasimin e farsës së shefit të tij, Kadri Veselit.
“S’po mundem të besoj se shefi i kabinetit të Kadri Veselit, Blerand Stavileci është kaq naiv dhe s’po kupton se çfarë po sqaron Saranda Bogujevci në lidhje me idenë për Tribunalin për krimet e Serbisë.
Kjo ndodh kur duhet të luash rolin e injorantit për të mos deklasuar tërësisht farsen e rradhës së shefit të tij”, ka shkruar Nagavci në Facebook.
Postimi i plotë:
S’po mundem të besoj se shefi i kabinetit të Kadri Veselit, Blerand Stavileci është kaq naiv dhe s’po kupton se çfarë po sqaron Saranda Bogujevci në lidhje me idenë për Tribunalin për krimet e Serbisë.
Kjo ndodh kur duhet të luash rolin e injorantit për të mos deklasuar tërësisht farsen e rradhës së shefit të tij.
Hipokritët Vs Heroinat si Saranda, Vasfije dhe shumë qytetarë tjerë të këtij vendi që betejat i bënë pa asnjë përkrahje nga institucionet e vendit.
