Policia e Kosovës vetëm gjatë 24 orëve ka arrestuar 10 persona pasi të njëjtit nuk kanë zbatuar vendimet e qeverisë për ndalim të lëvizjes.
Të gjitha arrestimet janë kryer në Mitrovicë, shkruan Insajderi.
Më poshtë njoftimet e polota të Policisë:
Rr. Shemsi Ahmeti, Mitrovicë 25.03.2020 – 21:30. Janë arrestuar katër të dyshuar meshkuj kosovarë të cilët ishin ndalur nga njësiti policor derisa kishin qenë duke qarkulluar me automjet pa kurrfarë arsyeje dhe duke mos e zbatuar vendimin për kufizimin e lëvizjes së automjeteve dhe personave. Të dyshuarit pas intervistimit me vendim të prokurorit janë dërguar në mbajtje për 48 orë.
Rr. Driton Veliu, Mitrovicë 25.03.2020 – 21:32. Janë arrestuar dy të dyshuar meshkuj kosovarë të cilët ishin ndalur nga njësiti policor derisa kishin qenë duke qarkulluar me automjet pa kurrfarë arsyeje dhe duke mos e zbatuar vendimin për kufizimin e lëvizjes së automjeteve dhe personave. Të dyshuarit pas intervistimit me vendim të prokurorit janë dërguar në mbajtje për 48 orë.
Rr.Vlade Cetkovic, Mitrovica 24.03.2020-20:30. Raportohet se janë ndaluar tre të dyshuar dy meshkuj kosovar dhe një femër serbe shtetase e Serbisë pasi që të njëjtit nuk kane respektuar ndalesën e lëvizjes. Lidhur me rastin është informuar prokurori./Insajderi.com
