Dy persona janë arrestuar të premten në Mitrovicë, pasi dyshohet se kanë kryer tri raste të veprës penale “vjedhje”, njofton Insajderi.
Arrestimi i tyre është bërë mbi dyshimet se në bashkëveprim në tri lokacione të ndryshme kanë kryer vjedhje, ku cak ishin dyqane dhe qendra tregtare.
“Arrestimi i dy personave të dyshuar, është bërë mbi dyshime të arsyeshme dhe prova të siguruara se në bashkëveprim në tri lokacione të ndryshme kanë kryer vepra penale të vjedhjeve, që ishte raportuar ditë më parë, ku cak i këtyre vjedhjeve ishin dyqane dhe qendra tregtare, nga ku ishin vjedhur: pije alkoolike, rroba të ndryshme dhe shtëpiza kompjuteri me pajisje përcjellëse”, thuhet në njoftimin për medie.
Si rezultat i identifikimit dhe arrestimit të të dyshuarve, hetuesit policorë kanë lokalizuar vendet ku ishin fshehur gjësendet e vjedhura të cilat janë gjetur dhe janë marrë si prova materiale për t’u proceduar tutje lidhur me rastet.
Ndërsa pas procedurave të nevojshme intervistuese, nga ana e prokurorit të rastit, të dyshuarit janë liruar në procedurë të rregullt./Insajderi.com
