Pesë persona, tre meshkuj dhe dy femra, janë arrestuar të hënën pasi që dyshohet se kanë kryer veprën penale “trafikim me njerëz”, përcjell Insajderi.com.
Policia e Kosovës ka njoftuar se të arrestuarit janë M.I., (viti i lindjes 2000, mashkull kosovar), I.M, (viti i lindjes 2000, mashkull kosovar), E.Z., (viti i lindjes 1991, femër kosovare), M.Xh., (viti i lindjes 2003, femër kosovare) dhe A.B., (viti i lindjes 2004, femër kosovare).
Sipas njoftimit, viktima femër e trafikimit është intervistuar në prezencën e punëtorit të Qendrës për Punë Sociale si dhe mbrojtësit të viktimave.
Dy persona nën prangat e Policisë
“Policia e Kosovës, konkretisht Drejtoria për Hetimin e Trafikimit me Qenie Njerëzore – Njësia në Pejë, në koordinim me Prokurorinë e Shtetit, pas raportimit të një rasti nga viktima femër kosovare, ka zhvilluar një hetimi intensiv. Kështu, më 25.10.2021, hetuesit policorë kanë arrestuar pesë persona të dyshuar, tre meshkuj dhe dy femra, të gjithë kosovarë nën dyshimin se kanë kryer veprën penale ‘trafikim me njerëz’.
Lidhur me këtë rast, viktima (femër) e trafikimit është intervistuar në prezencën e punëtorit të Qendrës për Punë Sociale (QPS-së), si dhe mbrojtësit të viktimave, rasti është trajtuar sipas procedurave standarde, përfshirë dërgimin në strehimoren e dedikuar për viktimat e trafikimit”, thuhet ndër tjerash në njoftim.
Po ashtu, Policia ka njoftuar se si provë materiale ka konfiskuar dy revole, një sasi të vogël të substancës që dyshohet se është narkotike, disa gëzhoja, dy automjete dhe dy telefona mobil./Insajderi.com
