Një kosovar 37 vjeçar me inicialet A.K., është arrestuar nga Policia e Shqipërisë pasi kishte tentuar të udhëtojë në drejtim të Italisë me dokumente të falsifikuara.
Siç njofton Policia, rasti ka ndodhur në Durrës , ndërsa me rastin e të dyshuarit po merret Prokuroria e Durrësit, për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i vulave, i stampave ose i formularëve”.
“Specialistët për Hetimin e Krimit Ekonomik dhe Financiar në DVP Durrës në bashkëpunim me shërbimet e Policisë Kufitare në Portin e Durrësit, arrestuan në flagrancë shtetasin kosovar A.K., 37 vjeç, pasi ka tentuar të udhëtojë në drejtim të Italisë, me dokumente të dyshuara si të falsifikuara”, thuhet në njoftimin e Policisë së Shqipërisë. /Insajderi.com