![Arrijnë trupat e viktimave në masakrën e Rezallës](https://insajderi.com/wp-content/uploads/2021/09/Arkivolet-730x440.jpg)
Arkivolet e viktimave të masakrës së Rezallës kanë arritur në Kosovë, përcjell Insajderi.com.
Për t’i pritur këto arkivole aty është parë kryesuesi i Komisionit Qeveritar për të Pagjeturit, Andin Hoti, kryetari aktual i Skënderajt, Bekim Jashari dhe Sami Lushtaku.
![](https://shqip.com/app/uploads/2021/09/Familjaret-duke-pritur-arkivolet.jpg)
Familjarët duke pritur arkivolet e të afërmve të tyre të vdekur në masakrën e Rezallës
Për homazhe para arkivoleve të viktimave do të marrë pjesë edhe kryeministri i Kosovës, Albin Kurti.
Ndërkaq, eshtrat e këtyre trupave janë zhvarrosur nga varrezat masive në Rashkë të Serbisë.
Riatdhesimi i këtyre trupave është duke u realizuar me përkrahjen e familjeve, Institutit të Mjekësisë Ligjore, Policisë së Kosovës, Ministrisë së Mbrojtjes dhe Komitetit Ndërkombëtar të Kryqit të Kuq.
Po ashtu, edhe ish-drejtori i Institutit të Mjekësisë Ligjore të Kosovës, Arsim Gërxhaliu, ka publikuar disa fotografi në momentin e arritjes së arkivoleve./Insajderi.com