Nuk është gjetur “asgjë e dyshimtë” në valixhen e cila u cilësua e tillë dhe që ishte vendosur në Rrugën “Bill Clinton” në Prishtinë.
Pasi ishte raportuar se një çantë në të cilën dyshohej se kishte ndonjë mjet të rrezikshëm, Policia e Kosovës kishte dalur në vendin e ngjarjes, por pas kontrollimit u kuptua se asgjë e dyshimtë nuk ndodhet brenda çantës.
Zëdhënësja e Policisë për Rajonin e Prishtinës, Flora Ahmeti, ka konfirmuar lajmin për Insajderi-n.
“Rreth orës 13:00, ka përfunduar ekzaminimi i vendit të ngjarjes në Rrugën ‘Bill Klinton’. Në valixhe nuk është gjetur asgjë e dyshimtë”, ka deklaruar ajo.
Gjithashtu ka shtuar se “hetuesit policorë kanë arritur të identifikojnë pronarin e valixhes”./Insajderi.com
