Auditori i Përgjithshëm i Kosovës ka dërguar në Prokuorinë e Shtetit 52 lëndë gjatë vitit 2021 – me dyshimin se përmbajnë elemente potenciale të mashtrimit, përcjell Insajderi.com.
Kështu ka bërë të ditur Auditorja e Përgjithshme e Kosovës, Vlora Spanca, e cila ka theksuar se 40 për qind e buxhetit të shtetit shpenzohet përmes procedurave të prokurimit publik – e që fokus i Auditorit duhet te kjo fushë.
Sipas saj, çdo vit përsëriten mangësitë e njëjta te prokurorimet, që nga fillimi i inicimit të procedurave të tyre e deri te menaxhimi i kontratave dhe realizimi i projekteve.
Këtë vit kemi dërguar 52 lëndë tek Prokurori i Shtetit por në total që nga themelimi i zyrës kemi dërguar 92 lëndë. Këto janë raste që ne mendojmë se ka elemente potenciale për mashtrim”, ka thënë Spanca në KTV./Insajderi.com
