Avokati që kishte mbrojtur Ante Gotovinen i reagon Carl Bildt-it: Nuk duhet të japë dorëheqje Thaçi, por prokurori për veprim të paligjshëm

Ish-kryeministri suedez, Carl Bildt, i cili kishte shërbyer edhe si përfaqësues i veçantë i Organizatës së Kombeve të Bashkuara për Ballkanin, ka kërkuar nga presidenti i Kosovës, Hashim Thaçi, që të japë dorëheqje nga posti, pasi që u ngrit aktakuzë për të nga Gjykata Speciale, për krime lufte.

Bildt shkroi se “gjëja e duhur tani nga Hashim Thaçi do të ishte të japë dorëheqje nga pozita e tij e presidentit, duke ua mundësuar kështu partive politike të negociojnë dhe të shkojnë në zgjedhje të reja”.

Kjo, sipas Bildt do të mundësonte zgjedhjen e një qeverie të re, me bazë solide, që do të ishte përfaqësuese në dialogun mes Kosovës e Serbisë në Bruksel.

Por, kjo deklaratë po e çuditë një ekspert që për ekspertizë ka pikërisht ligjin ndërkombëtar për krime.

Avokati amerikano-kroat Luka Misetiq, i cili në 2006 kishte mbrojtur në Tribunalin për Krime Lufte në Ish-Jugosllavi, Ante Gotovinen, i ka reaguar në Twitter Carl Bildt-it, duke i thënë se nuk është Thaçi, por dikush tjetër që duhet të japë dorëheqje.

“Propozim-akuza për Thaçin nuk është konfirmuar ende, por prapë Carl Bildt shkruan se Thaçi duhet të japë dorëheqje edhe nëse gjyqtari më vonë i tërheqë akuzat. Por, zotëri Bildt është prokurori që duhet të japë dorëheqje për veprim të paligjshëm. Jo Thaçi”, ka shkruar Misetiq në Twitter.

Misetiq është një avokat ndërkombëtarisht i njohur. Ai ishte zgjedhur nga revista Forbes në mesin e 100 personaliteteve kroate më të njohura nga të gjitha fushat./Insajderi.com

The proposed indictment of Thaci has not yet confirmed it after 64 days.Yet @carlbildt writes that Thaci should resign even if the judge rejects the indictment. But Mr. Bildt, it is the Prosecutor who would have to resign for acting unlawfully. Not Thaci. https://t.co/Q6DUwEQTFl

— Luka Misetic (@MiseticLaw) June 27, 2020