Shumë shqiptarë shtetas të Kosovës janë detyruar të presin me orë të tëra në pikën kufitare Serbi-Hungari pas radhëve të gjata në këtë pikëkalim kufitar, njofton Insajderi.
Në pikat e kalimit kufitar të Kosovës, sipas Qendrës Kombëtare për Menaxhim Kufitar, ndryshe nga dita e shtunë, sot situata ka qenë më e qetë dhe pa pritje të gjata.
Aktualisht, sipas përditësimit të të dhënave në ora 17:00, në pikat e kalimit kufitar Merdare, te Dheu i Bardhë dhe Jarinje udhëtarët presin deri në 30 minuta në dalje.
Kujtojmë se gjatë të shtunës pritjet në pikën kufitare në Merdare ishin deri në dy orë.
Pritjet dhe kolonat janë si shkak i fluksit të veturave të mërgimtarëve, të cilët po kthehen në vendet e Evropës Perëndimore, pas pushimit të festave të fundivitit në Kosovë./Insajderi.com
