Gazetari Klodian Tomorri ka treguar se është kontaktuar nga ish-Ministri i Jashtëm i Kosovës, Behgjet Pacolli në lidhje me premtimin e tij për donacionin e 1 milion eurove për Shqipërinë.
Përmes një postimit të tij, ai ka thënë se Pacolli ka gati donacionin por zbatimi po vonohet nga procedurat burokratike.
“Behgjet Pacolli, ish ministri i jashtem i Kosoves thotë se ai e ka gati donacionin qe ka premtuar per termetin ne Shqiperi, por zbatimi po vonohet nga procedurat burokratike”, ka thënë ai.
Sipas tij, Pacolli i ka dërguar të gjitha takimet e zhvilluara me qeverinë shqiptare por kjo e fundit nuk ka gati projektin hapësinor për ndërtimin e banesave.
“Zoni Pacolli më ka kontaktuar dje, pas një shkrimi për donacionet duke më nisur të gjithë korrenspodencën dhe takimet e zhvilluara me qeverinë shqiptare për këtë çështjem ku ka shprehur shqetësimin për vonesat dhe ka kërkuar përshpejtimin e procedurave. Por qeveria ende nuk ka gati projektin hapsinor të kontraktuar në Itali që do t’i hapte rrugë nisjes së ndërtimit të banesave”, ka thënë Tomorri.
Kurse Pacollit kishte tënë që sapo qeveria e Edi Ramës t’i hapë dritën jeshile projektit ai do të nisë ndërtimin e banesave për të prekurit nga tërmeti në Shqipëri.
“Sapo qeveria t’i hapë dritën jeshile projektit ai do të nisë menjëherë ndërtimin e banesave që ka premtuar. Ndërkohë grupe të tjera biznesesh që kanë premtuar donacione thonë se i kanë përmbushur ato jashtë programit të qeverisë. Dmth i kanë dhënë në mënyrë individuale jashtë thesarit. Por qeveria ka deklaruar se nuk do të njoh asnjë dhurim jashtë programit të saj”, ka thënë gazetari.
Shiko edhe:
