Kryeministrja e Serbisë, Ana Bërnabiq, ka thënë se “Ballkani i Hapur”, nuk mund të dështojë, pasi sipas saj mjafton bashkëpunimi edhe ndërmjet dy shteteve “për të pasur sukses”.
Ajo në “TV Pink”, ka thënë se nuk e kupton refuzimin e Kosovës që të mos përfshihet në këtë iniciativë.
“Nëse, për ndonjë inat ballkanik, ata nuk bashkohen, do t’u vijë keq dhe qytetarët e tyre me siguri do të bashkohen”, tha ajo.
Ballkani i Hapur.
Sipas saj, përfitimet nga “Ballkani i Hapur”, do të jenë të mëdha, duke shtuar që “refuzuesit do të pendohen”.
Pos Kosovës – edhe Mali i Zi dhe Bosnja dhe Hercegovina kanë refuzuar të përfshihen.
Ndërkaq, momentalisht pjesë e “Ballkanit të Hapur”, pos Serbisë, janë edhe Shqipëria dhe Maqedonia e Veriut.
Kështu, kryeministrja serbe shtoi se ky projekt “nuk është në krizë”, sidomos tash kur ka zhvillime politike në Maqedoninë e Veriut. /Insajderi.com
