Presidenti i Shteteve të Bashkuara të Amerikës, Joe Biden, ka nominuar ambasadorin e ri të SHBA-së në Kosovë, njofton Insajderi.
Siç bën të ditur Shtëpia e Bardhë me anë të një komunikate, i nominuari i Presidentit Biden do të jetë Jeff Hovenier.
Nominimin e ambasadorit të ri e ka uruar edhe ambasadori aktual i SHBA’së në Kosovë, Philip S. Kosnett.
“Urime kolegut dhe mikut tim Jeff Hovenier për nominim e tij si Ambasadori i ardhshëm i SHBA në Kosovë”, ka shkruar Kosnett në Twitter.
Congratulations to my colleague and friend Jeff Hovenier on his nomination as the next U.S. Ambassador to Kosovo. https://t.co/zKbJa3YgmJ
— Ambassador Philip S. Kosnett (@USAmbKosovo) July 2, 2021
Hovenier aktualisht shërben si zëvendësshef i Ambasadës së SHBA-së në Turqi. Më parë ai ka qenë ushtrues detyre i zëvendësambasadorit edhe në Berlin të Gjermanisë.
Mirëpo, si diplomat ai kishte punuar edhe në Kroaci, Greqi, Panama, Paraguai dhe Peru.
Hovenier dikur kishte qenë pjesë e stafit të Dërguarit Special të Kombeve të Bashkuara për Statutin e Kosovës. /Insajderi.com
