Një person është dërguar për trajtim mjekësor në Qendrën Klinike dhe Universitare, pasi kishte rënë nga ashensori, njofton Insajderi.
Siç njofton Policia e Kosovës, viktimës iu kishte hapur dera e ashensorit, mirëpo kabina nuk kishte ardhur dhe ai kishte rënë në katin përdhesë.
Ngjarja ka ndodhur të mërkurën rreth orës 14:30 në Fushë Kosovë.
“Viktima mashkull kosovar ka kërkuar ndihmë mjekësor, pasi që ju kishte hapur dera e ashensorit, mirëpo kabina nuk kishte ardhur dhe ai ka rënë në katin përdhesë. Viktima pas tretmanit mjekësor në QKUK, është liruar. Në Stacionin Policor janë shoqëruar dy meshkuj kosovar (investitori i objektit dhe mirëmbajtësi i objektit) dhe një mashkull shtetas i huaj (ngakompania e ashensorëve)”, thuhet në raportin e PK-së.
Me vendim të prokurorit, pas intervistimit të dyshuarit janë liruar dhe rasti shkon në procedurë të rregullt./Insajderi.com