![Biseda për “avancimin e perspektivës evropiane për Kosovën”](https://insajderi.com/wp-content/uploads/2017/10/auto_haradi1508339156-730x440.jpg)
Kryeministri i Republikës së Kosovës, Ramush Haradinaj priti sot shefin e Njësisë D3 për Kosovën, pranë Drejtorisë së Përgjithshme për Fqinjësi dhe Negociata të Zgjerimit të Komisionit Evropian, David Cullen, me të cilin diskutuan për avancimin e perspektivës evropiane për Kosovën.
Haradinaj e njoftoi Cullen për masat që i ka ndërmarrë kabineti i tij qeveritar për të dinamizuar implementimin e MSA-së dhe ERA-s, për reformat në sundimin e rendit dhe ligjit, si dhe në përmirësimin e kushteve të klimës së biznesit në Kosovë.
Nga ana e tij, Cullen e falënderoi kryeministrin Haradinaj për pritjen, dhe ia përcolli falënderimet nga Drejtori i Përgjithshëm për Fqinjësi dhe Negociata për Zgjerim të Komisionit Evropian, Christian Danielsson, në përkushtimin e shtuar të Qeverisë së Kosovës për agjendën evropiane. Cullen poashtu shprehu gatishmërinë e Komisionit Evropian për mbështetje buxhetore sektoriale, kryesisht në fushat e administratës publike dhe energjisë.
Në takim ishte i pranishëm edhe ministri i Administratës Publike, Mahir Yagcillar, i cili u zotua në drejtim të angazhimit politik për mbështetjen buxhetore sektoriale në Reformën e Administratës Publike.