Zëvendeskryemistri për çështje të integrimeve evropiane, Bisnik Bislimi së bashku më ekipin e angazhuar për dialogun më Serbinë është takuar më Zëvendës Ndihmësin Amerikan të Shtetit për Çështje të Evropës dhe Euroazisë, Matthew Palmer dhe Emisarin e Bashkimit Evropian për dialogun, Miroslav Lajçak, shkruan Insajderi.
Sipas komunikatës për media, mbarëvajtja e dialogut dhe hapat e ardhshëm që pritet të ndërmerren në të, ishin pjesë e diskutimit.
Tutje, thuhet se në takim u diskutua edhe për përgatitjet në lidhje me vizitën në Bruksel gjatë muajit qershor, me ç’rast zëvendëskryeministri Bislimi theksoi vullnetin e Qeverisë për t’u përfshirë në një dialog të drejtë, parimor dhe në shërbim të qytetarëve dhe paqes e sigurisë së përgjithshme”, thuhet në një komunikatë për media të Qeverisë.
Ai shtoi se mbështetja e ShBA-së në procesin e dialogut është edhe një sinjal për praninë e fuqishme dhe të vazhdueshme të SHBA-ve, si partnerë në zhvillimin dhe krijimin e një të ardhme premtuese në Kosovë./Insajderi.com
