Policia e ka “blinduar” Postën e Kosovës.
Një numër i madh policësh janë parë rreth objektit të Postës së Kosovës.
Gazeta Insajderi ka kontaktuar me Policinë, por e njëjta nuk ka dhënë ende një arsye konkrete për rrethimin e këtij institucioni.
“Policia e Kosovës, bazuar në detyrat dhe autorizimet e saja ligjore, ofron siguri dhe asistencë policore, ndaj të gjithë qytetarëve, pronave publike dhe atyre private”, thuhet në reagimin e Policisë.
Ndaj numrit të madh të policëve ka reaguar edhe Posta e Kosovës.
“Ju njoftojmë se aktualisht derisa po mbahet mbledhja e Bordit të Përkohshëm me menaxhmentin në Postën e Kosovës kanë ardhë policia dhe janë vendosur edhe brenda objektit edhe para hyrjes së Postës. Nuk e dimë arsyen për një veprim të tillë”, thuhet në njoftimin e Postës së Kosovës.
