Presidenti i Serbisë Aleksandar Vuçiq sot është takuar me shefin e diplomacisë së BE Joseph Borrell, i cili ka arritur në vizitë zyrtare në Beograd.
![Borrell në takim me Vuçiqin](https://insajderi.com/wp-content/uploads/2020/01/13810699635e340db66f24e929510336_v4_big-730x440.jpg)
Takimi filloi rreth orës 12 dhe pas takimit janë planifikuar deklaratat për medie.
Pas bisedës me Vuçiqin, Borrell do të takohet rreth orës 15:30 edhe me kryeministren e Serbisë Ana Bërnabiq.
Para vizitës në Serbi, Borrell ka thënë për agjencinë serbe të lajmeve Tanjug se ai personalisht do ta udhëheqë dialogun e Brukselit dhe do të jetë bashkëbiseduesi kryesor me autoritetet e Kosovës dhe Serbisë.
Borrell ka përkujtuar se BE ka bërë me dije në mënyrë të qartë se “çelësi” për hyrje të Serbisë në anëtarësim është normalizimi i marrëdhënieve me Kosovën nëpërmes të marrëveshjes gjithëpërfshirëse juridikisht të obligueshme si dhe reformat e brendshme me fokusim në sundimin e ligjit dhe liri të medieve./Insajderi.com.