Kryeministrja serbe, Ana Brnabic, ka takuar zëvendëspresidentin amerikan, Mike Pence, të cilit ia ka theksuar domosdoshmërinë e themelimit më të shpejtë të Asociacionit të Komunave me shumicë serbe.
Takimi mes dy palëve ka ndodhur në Samitin e Kartës së Adriatikut ‘US-Adriatic Charter’ (A5), i cili kësaj radhe bashkë-organizohet nga Mali i Zi dhe Republika e Maqedonisë.
Brnabić dhe Pens gjithashtu diskutuan dialogun e Brukselit dhe zbatimin e marrëveshjeve të arritura deri më tani. Sipas Brnabic, Serbia ka përmbushur shumicën e marrëveshjeve të Brukselit, duke fajësuar Prishtinën për moszbatimin e tyre, njofton gazeta serbe Blic.
Sipas kryeministres, tashmë dialogu në Bruksel po zhvillohet në “nivel presidencial” dhe atë do ta udhëheq Aleksandar Vuçiq.
