Zëdhënësi i Partisë Demokratike të Kosovës, Avdi Bytyçi, ka hedhur poshtë të gjitha spekulimet se në këtë parti është duke u diskutuar për emrat për kryetar të saj në rast se konfirmohet aktakuza nga Gjykata Speciale në Hagë për kreun aktual, Kadri Veselin.
U raportua se brenda organeve të PDK-së është duke u diskutuar si çështje ardhja e një lideri të ri në krye të Partisë, ndërsa Bytyçi thotë se ky subjekt politik e ka liderin e saj.
Një reagim i tillë nga Bytyçi erdhi përmes një shkrimi në Facebook, ku tutje tha se këto fjalë janë vetëm spekulime dashakeqe dhe të pavërteta.
“Partia Demokratike e Kosovës e ka kryetarin dhe liderin e saj politik, z. Kadri Veseli.
Spekulimet dashakeqe se në Partinë Demokratike të Kosovës janë duke u diskutuar emra për të zëvendësuar z. Veselin janë tërësisht të pavërteta”, ka shkruar ai. /Insajderi.com/