Ministri i Integrimeve Evropiane, Bekim Çollaku, ka thënë sot se kanë mbetur pa plotësuar vetëm edhe dy kritere të përcaktuara për liberalizimin e vizave.
Në mbledhjen e Qeverisë së Kosovës, Çollaku ka deklaruar se punë për tu bërë ka mbetur vetëm lidhur me demarkacionin me Malin e Zi dhe rreth objektit të Avokatit të Popuillit.
“Për Zyrën e Avokatit presim që të dyja palët të jenë të arsyeshme dhe të mos ketë presioni mbi asnjërën palë” ka theksuar ai, njofton Klan Kosova, njofton Klan Kosova.
Ndërkaq, sa i përket Demarkacionit, Ministri i Integrimit Evropian deklaroi se kjo çështje nuk është pengesë për marrjen e rekomandimit për vizat.
Në muajin dhjetor, Komisioni Evropian kishte publikuar raportin e përmbushjes së kriterve për liberalizmin e vizave për Kosovën, ku ishte konstatuar se që kjo të ndodhë, Kosova duhet të plotësoje edhe tetë kritere.
Zyrtarët e lartë të shtetit që nga ajo kohë janë shprehur të bindur se liberalizimi i vizave do të ndodhë gjatë vitit 2016.
Të mërkurën, Ministri Çollaku ka takuar ambasadorët e shteteve anëtarë të BE-së të cilët i ka informuar rreth përmbushjes së kritereve të mbetura.
Sipas tij, ambasadorët kanë shprehur vlerësim pozitiv për përkushtimin e institucioneve kosovare “dhe konfirmuan mbështetjen e shteteve të tyre përkatëse në këtë drejtim”./Insajderi.com
