Edhe sot ka pasur viktima nga Coronavirusi në Kosovë.
Janë edhe tre persona të tjerë që këtë të hënë ndërruan jetë, duke humbur kështu betejën me COVID-19, njofton Insajderi.
Në orët e para të mëngjesit të kësaj dite vdiq një grua 80 vjeçare nga Gjakova.
Ajo njoftohet se kishte edhe sëmundje të tjera përcjellëse – si shumica e të vdekurve nga virusi në Kosovë.
Më vonë, rreth orës 15:00, vdiq një tjetër pacient nga Llausha e Podujevës.
Lajmi për vdekjen e tij u dha edhe nga zyrtarë komunalë në Podujevë.
Më pas, në orën 17:00 u njoftua edhe për një tjetër vdekje.
Bëhet fjalë për një të moshuar 83 vjeçare nga komuna e Fushë Kosovës./Insajderi.com