Kryetari i Kuvendit të Serbisë, Ivica Daçiq, thotë se “Non-paper’ i fundit i botuar që pretendohej se ka origjinë nga Gjermania dhe Franca, e parashikohet autonomi për serbët në veri të Kosovës, “ishte më i mirë se plani i Ahtisaarit”, transmeton Insajderi.
Ndonëse ky dokument jo zyrtar i pëlqeu Daçiqit, ai theksoi se nuk ishte në nivelin e kërkesave dhe pritjeve të Beogradit.
“Kjo autonomi nuk është përpunuar, nuk dihet nëse përfundon me të drejtën e vetëvendosjes,” tha Daçiç dhe theksoi se e keqja në dokument është se nënkupton respektimin e integritetit territorial, por që është një propozim më i mirë se ata të mëparshmit, raporton ‘Kosovo Online’.
Ai vlerësoi se dy gjëra që u shfaqën në “Non-paper” të botuara ditët e fundit janë të mira për Serbinë fakti që ata flasin për autonominë e Kosovës, “të cilën ata nuk dëshironin të përmendnin më parë, sepse ata nuk e donin Republikën Srpska në Kosovë”, si dhe fakti që për herë të parë në një gazetë, megjithëse jozyrtare, flet për “mundësinë e një lloj bashkimi të RS dhe Serbisë”.
Daçiq e sheh vlerën e këtyre dokumenteve si “dikush tashmë sheh disa realitete që ekzistojnë në rajon”. /Insajderi.com
