Kryetari i Kuvendit të Serbisë, Ivica Daçiq, ka deklaruar se nuk është optimist se mund të arrihen marrëveshje me Kosovës dhe Serbisë sot në Bruksel, transmeton Insajderi.
Daçiq për televizionin serb ‘Prva TV’ ka thënë se ai nuk pret që diçka spektakolare të ndodhë dhe se gjithçka mund të pritet negativisht.
“Gjithçka mund të pritet negativisht. Kjo nuk është asgjë e re, që nga viti 2012, të gjitha bisedimet që u mbajtën në Bruksel në çdo takim filluan me gjenocid dhe dëmtim të luftës”, tha ai.
Daçiq theksoi se deklaratat e kryeministrit, Albin Kurti kishin për qëllim tregun e brendshëm politik, por që ato gjithashtu kishin një mbështetje në Perëndim.
I pyetur nëse takimi brenda dialogut midis Beogradit dhe Prishtinës, i cili po mbahet sot në Bruksel, do të jetë një vazhdim i atij dialogu ose një “dialog mbi dialogun”, siç u njoftua nga Kurti, kryetari i kuvendit serb u përgjigj se “do të ishte e pakuptimtë për dialogun” nëse do të fillonte nga fillimi çdo herë.
“Pse do të kishim një dialog nëse e fillonim atë nga fillimi çdo herë’, shtoi ai.
Kryeministri i Kosovës, Albin Kurti dhe presidenti serb, Aleksandar Vuqiq janë takuar për herë të parë sot në Bruksel./Insajderi.com
