“Temat kryesore do të jenë për ekonominë”, ka deklaruar Daçiq për televizionin serb Prva, njofton Insajderi.
Në Kosovë zyrtarët shtetërorë, përfshirë kryeministrin e Kosovës, Avdullah Hoti, vazhdojnë të thonë se çfarëdo dialogu me Serbinë fillohet me synimin përfundimtar për njohje reciproke, por në Serbi për takimet dypalëshe kanë tjetër narracion.
I fundit është ministri aktual i Jashtëm serb, Ivica Daçiq, i cili edhe një herë tjetër ka thënë se bisedimet në Shtëpinë e Bardhë që pritet të fillojnë me dy shtator nën ndërmjetësimin e emisarit Richard Grenell, do të jenë vetëm për ekonominë.
“Temat kryesore do të jenë për ekonominë”, ka deklaruar Daçiq për televizionin serb Prva, njofton Insajderi.
Ai deklaroi se kështu e ka dëgjuar të thotë edhe presidentin serb, Aleksandër Vuçiq, që prezenca amerikane “lidhet kryesisht me çështje ekonomike dhe lidhjen e marrëveshjeve me bazë ekonomike”.
Ditën e djeshme me anë të një statusi në Twitter, Richard Grenell, njoftoi se është caktuar data e takimit – pasi termini i parë nuk u realizua për shkak të anulimit të udhëtimit nga presidenti i Kosovës Hashim Thaçi, meqë pranoi aktakuzë nga Gjykata Speciale.
Në Kosovë është mirëpritur kjo thirrje amerikane nga shumica e liderëve.
I vetmi që e ka dyshuar qëllimin e takimit të dy shtatorit, është kryetari i Lëvizjes Vetëvendosje, Albin Kurti.
Ish-kryeministri ka vënë në diskutimi njohuritë e Grenell për historinë e Ballkanit, çka sipas tij po ia determinon edhe qasjen jo të duhur që e ka në raport me dy vendet – Kosovën e Serbinë./Insajderi.com
