Dardan Sejdiu nga Partia Socialdemokrate i është kundërpërgjigjur akuzave të Avdullah Hotit nga Lidhja Demokratike e Kosovës.
Ai ka thënë Hoti nuk mund ta maskojë partneritetin me Kadri Veselin si dhe paaftësinë e tij për ta sfiduar.
Ka thënë se nënshkrimet e PSD-së për rrëzimin e qeverisë ia ka dhënë Hotit tash e sa kohë, por sipas tij gatishmëria e PSD-së nuk e bënë me efikas Avdullah Hotin.
Postimi i plotë i Sejdiut:
Si shef i GP të LDK-së, Avdullah Hoti paska bërë edhe një përpjekje për ta maskuar paaftësinë e tij në sfidimin e qeverisë duke e sulmuar PSD-në.
Paaftësinë e tij në bashkërendimin opozitar nuk mund ta maskojë me faktin se me Kadri Veselin ka pasur bashkëqeverisje Avdullah Hoti e jo Partia Socialdemokrate.
Sulmet ndaj PSD-së nuk e maskojnë as partneritetin e tij të djeshëm me Kadri Veselin dhe as paaftësinë e tij të sotme për ta sfiduar sot pushtetin e Kadri Veselit.
Nënshkrimet e PSD-së për rrëzimin e qeverisë i ka moti Avdullah Hoti, por edhe gatishmërinë e vullnetin për ta ndërtuar strategjinë e përbashkët opozitare.
Por, sigurisht se vullneti dhe gatishmëria e PSD-së nuk mjaftojnë për ta bërë më efikas dhe më të suksesshëm Avdullah Hotin.
