Një person është arrestuar gjatë ditës së djeshme në Viti, meqë dyshohet se i njëjti ka raportuar rrejshëm se disa persona të panjohur i kanë grabitur 32 mijë euro.
Siç njofton Policia në raportin e saj 24-orësh, gjatë hetimeve është vërtetuar dhe konstatuar se i dyshuari paratë e raportuara ia kishte dhënë një personi tjetër të cilit i kishte pasur borxh.
Me urdhër të prokurorit kujdestar, rasti shkon në procedurë të rregullt.
“Viti 30.12.2020-14:55. Është arrestuar i dyshuari mashkull kosovar pasi që i njëjti ka raportuar – deklaruar rrejshëm se nga persona të panjohur i janë grabitur 32 000€. Gjatë hetimeve është vërtetuar dhe konstatuar se i dyshuari parat e raportuara i kishte dhënë një personi tjetër të cilit i kishte pasur borgj. Me urdhër të prokurorit kujdestar rasti procedohet në procedurë të rregullt”, thuhet në raportin e Policisë. /Insajderi.com
