Lajmi që Albin Kurti në vitin 1998 ka deklaruar që “Kush është me Amerikën e Rugovën është kundër Kosovës”, del të jetë fake news.
Kështu ka deklaruar gazetari i Frankfurter Alldemeine, Michael Martens, gazetë e cila është etiketuar si autore e artikullit ku pretendohet të “ishte cituar”, kreu i Lëvizjes Vetëvendosje, Albin Kurti.
Por një artikull i tillë nuk është botuar kurrë në këtë gazetë, thotë Martens në Twitter, raporton Insajderi.
Ai këto lajme fake news i ka lidhur me fushatën zgjedhore në Kosovë për zgjedhjet e jashtëzakonshme të 14 shkurtit.
“Para zgjedhjeve në Kosovë, është duke u zhvilluar një fushatë e lajmeve të rreme në media të ndryshme sociale që përfshijnë Albin Kurtin dhe Frankfurter Allgemeine Zeitung. Ju lutemi vini re: Ky artikull nuk u shfaq asnjëherë në FAZ. Citimi është i rremë”, ka shkruar ai. /Insajderi.com
In the wake of the elections in Kosova, a fake news campaign in various social media involving Albin Kurti and Frankfurter Allgemeine Zeitung is under way. Please note: This article never appeared in FAZ. The quote is fake. pic.twitter.com/HzxiUwH0G5
— Michael Martens (@Andric1961) January 24, 2021
