Deputeti gjerman, Tobias Zech, nga CSU dha dorëheqjen sepse ai mori para për të lobuar për ish-kryeministrin e Maqedonisë së Veriut dhe ish-kryetarin e VMRO-së, Nikolla Gruevski, njofton Spiegel, transmeton Insajderi.
Zech e lejoi atë të takohej në shtator dhe nëntor 2016 në Berlin me Ministrin e atëhershëm Federal për Bashkëpunimin Ekonomik Gerd Müller, dhe më pas me Ministrin e Brendshëm Horst Seehofer në Mynih, si dhe politikanë të tjerë të rangut të lartë.
Deputeti nga Unioni Social Kristian (CSU), parti motër e CDU-së së Kancelares Angela Merkel, për këtë mori nga OBRM-PDUKM-ja rreth 50 mijë euro.
Zech në nëntor 2016 gjithashtu u shfaq në një tubim të OBRM-PDUKM-së gjatë fushatës zgjedhore.
Ai i mori paratë përmes ndërmarrjes “Scaliger Strategy Consulting oreku” e cila nënshkroi një marrëveshje për PR-konsultim me VMRO-në.
Përveç kësaj, skandale të tjera iu atribuan atij përmes kësaj kompanie, për shkak të së cilës Cech u detyrua të jepte dorëheqjen. /Insajderi.com
