Naser Shala nuk ka marr votat e mjaftueshme të deputetëve për postin e drejtorit të Sekretariatit Ekzekutiv të Agjencisë për Krahasim dhe Verifikim të Pronës.
Në këtë garë Shala kishte konkurrente Florije Kikën. As kjo e fundit nuk ka marr votat e mjaftueshme për këtë post.
Naser Shala i cili njihet me pseudonimin e luftës “Ftyra” ka qenë i akuzuar për krime luftë në rastin “Kleçka” së bashku edhe me zëvendëskryeministrin aktual Fatmir Limaj dhe tetë të akuzuar tjerë.
Pasi që nuk morën votat e deputetëve konkursi për këto dy poste do të përsëritet.
Kryeministri i vendit Ramush Haradinaj kishte propozuar Naser Shalën për pozitën e drejtorit të Sekretariatit Ekzekutiv të Agjencisë për Krahasim dhe Verifikim të Pronës.
Po ashtu Shala është njëri nga protagonsitët e “Dosjes së Shefave” të publikuar nga Insajderi në vitin 2016. /Insajderi.com
