![Dhjetëra njerëz në mbështetje të Saimir Tahirit](https://insajderi.com/wp-content/uploads/2017/10/shtepia-1.jpg)
Ish-ministri i Brendshëm Saimir Tahiri, ndodhet në banesën e tij, teksa jashtë saj qëndrojnë dhjetëra mbështetës.
Tahiri, u largua nga shtëpia pasditen e sotme, ku I pyetur për kërkesën e prokurorisë për arrestimin e tij, ka përdorur shprehjen e famshme të kryeministrit Edi Rama: Nuk keni parë gjë akoma!
Ai është rikthyer në shtëpi, teksa është pritur nga shumë mbështetës të tij, të cilët vazhdojnë të presin rreth banesë së ish-ministrit.
Herë pas here, ata dëgjohen të thërrasin emrin e ish-ministrit, ndaj të cilit prokuroria i është drejtuar Kuvendit për heqjen e imunitetet të deputetit me qëllim arrestimin e tij.
Pritet që ditën e nesërme, në orën 11:00 Këshilli i Mandatave të japë vendimin për heqjen ose jo të imunitetit të tij, ku më pas do të jetë parlamentit që do të vulosë fatin e Tahirit.