Djegia nga dielli, këto janë këshillat nga mjekët

Djegia nga dielli, këto janë këshillat nga mjekët

Nëse nuk mbrohesh siç duhet në këto temperatura të larta, rrezikon djegien e lëkurës. Ditët e para në plazh duhet treguar kujdesi maksimal.

“Ndjekim këshillat, që ditën e parë në plazh ekspozohesh 5 minuta në diell, gjysmë orë ditën e dytë, dy orë ditën e tretë e më pas qëndron me intervale më të gjata. Në qëndrojmë deri në 10 në plazh. Po, sigurisht përdorim kosin, lëkurën e kastravecit, kur digjemi.

Nuk përdor kremra, se kam merak për efektet anësore. Unë nuk e përdor kosin, se tërheq dhe than lëkurën”, janë shprehur disa qytetarë.

“Deri më sot nuk kemi parë ndonjë efekt të dëmshëm të mjekimeve popullore si kosi, kastraveci e domatja. Ne i rekomandojmë në momentin që dikush nuk ka mundësi të ketë një krem të përshtatshëm, për freskimin e lëkurës nga djegia”, ka thënë mjekja pediatre, Besjana Hoxha.

Ekspozimi i drekës është shkaku numër 1 i djegieve të lëkurës.

“Në orët e drekës fëmijët duhet të jenë në shtëpi po dhomë, jo në plazh, as në shezllon siç dëgjojmë prindër që pretendojnë se fëmijët nuk i kap dielli në shezllon. Çdo dy orë të lyhen me krem faktor të lartë mbrojtjeje, deri në 50. Kemi patur rastin e një familje me tre fëmijë, të tre me djegie të shkallës së dytë, pasi kishin gjithë ditën në diell, të pambrojtur nga kremi”, ka shtuar mjekja Hoxha.