![Drejtori i Policisë flet për arratisjen e Milan Radojiçiq](https://insajderi.com/wp-content/uploads/2018/12/po-730x440.jpg)
Rashit Qalaj, drejtor i Përgjithshëm i Policisë, në një konferencë për media ka folur edhe për arratisjen e nënkryetarit të Listës Serbe, Milan Radojiçiq.
Ai ka bërë të ditur se Policia tashmë ka lëshuar urdhër-arrest për Radojiçiqin si i dyshuar në vrasjen e Oliver Ivanoviq, shkruan Gazeta Insajderi.
“Ashtu siç e dini Policia ka ndërmarrë një aksion dhe ka arrestuar katër persona. Njëri nuk është gjetur, dhe mund të konfirmoj se Policia ka lëshuar urdhër-arrest”, tha Qalaj.
Ndryshe drejtori i Policisë bëri të ditur se Policia do të organizojë konferenca për media çdo muaj.
Në këtë konferencë gjithashtu u bë e ditur se pas një aksioni, dje janë konfiskuar 113 kilogramë drogë. /Insajderi.com