Dy aksidente kanë ndodhur brenda një ore në dy fshatra të Klinës, njofton Insajderi.
Njëri nga këto aksidente ndodhi në Gllarevë, ndërsa tjetri në afërsi të Zllakuqanit.
Këtë e ka konfirmuar zëdhënësi i policisë për rajonin e Pejës, Fadil Gashi.
Gashi tha se në dy aksidentet janë lënduar shtatë persona, dy nga të aksidentuarit në Gllarevë ndodhen në gjendje të rëndë shëndetetësore dhe po dërgohen për trajtim në Spitalin Rajonal të Pejës.
“Aksidenti në Gllarevë ka ndodhur mes dy veturave, i njëjti ka përfunduar me dy persona të lënduar të cilët janë dërguar për trajtim në Spitalin Rajonal të Pejës, sipas informacioneve të para ata janë në gjendje të rëndë shëndetësore”, tha Gashi.
“Ndërsa, në afërsi të fshatit Zllakuqan ka ndodhur një aksident mes dy veturave, pesë persona kanë pësuar lëndime të lehta trupore”, tha Gashi tutje. /Insajderi.com
